Tuesday, March 23, 2010

ಸಂಚಾರ: ಬಿಜಾಪುರ (ವಿಜಾಪುರ, ವಿಜಯಪುರ)

ಜಗತ್ ಪ್ರಸಿದ್ಧ "ಗೋಲ್ ಗುಂಬಜ್".
ಮೊಹಮದ್ ಆದಿಲ್ ಶಾಹನ ಸಮಾಧಿ ಇರುವ ಸ್ಥಳ.

ಗುಂಬಜ್ ನ ಒಳಗಿರುವ ಸುಮಾರು 150 ಮೆಟ್ಟಿಲುಗಳನ್ನು ಬಳಸಿ ಮೇಲ್ಚಾವಣಿ ತಲುಪಿದರೆ ನಾವಾಡಿದ ಪ್ರತಿಯೊಂದು ಶಬ್ದವೂ ಏಳು ಬಾರಿ ಪ್ರತಿಧ್ವನಿಸುವುದನ್ನು ಇಲ್ಲಿ ಕೇಳಬಹುದು.

ಗುಂಬಜ್ ನ ಎದುರಿಗಿರುವ ಸುಂದರ ಕಟ್ಟಡವನ್ನು ಮ್ಯುಸಿಯಮ್ ಆಗಿ ಪರಿವರ್ತಿಸಿದ್ದಾರೆ. ಹಲವಾರು ಅಮೂಲ್ಯ ಶಾಸನಗಳು, ಕೆತ್ತನೆಗಳು, ಶಸ್ತ್ರಾಸ್ತ್ರಗಳ ಸಂಗ್ರಹವನ್ನ ಇಲ್ಲಿ ಕಾಣಬಹುದು.


ಇಬ್ರಾಹಿಮ್ ರೋಝಾ
ಇಬ್ರಾಹಿಮ್ ಆದಿಲ್ ಶಾಹ II ನ ಸಮಾಧಿ ಇರುವ ಸ್ಥಳ


ಮಲಿಕ್-ಇ-ಮೈದಾನ್
55 ಟನ್ ಭಾರ, 4 ಮೀ ಉದ್ದ, 1.5 ಮೀ ಸುತ್ತಳತೆಯ ಬೃಹತ್ ಫಿರಂಗಿ.
ಫಿರಂಗಿಯ ತುದಿಯಲ್ಲಿ ಮೂಡಿರುವ ಸಿಂಹವನ್ನು ಹೋಲುವ ಕಲಾಕೃತಿ ಮನಸೆಳೆಯುತ್ತದೆ.

ಬಾರಾ ಕಮಾನ್
ಅಲಿ ರೋಝಾ II ಸಮಾಧಿ ಇರುವ ಸ್ಥಳ
ಚಿತ್ರಗಳು: ನೆಂಪು ಗುರು
-o-

Wednesday, March 3, 2010

ಸಂಚಾರ: ಬದಾಮಿ, ಬದಾಮಿಯ ಮಂಗಗಳು...

ಬಾಗಲಕೋಟೆ ಜಿಲ್ಲೆಯಲ್ಲಿರುವ ಬದಾಮಿ ಪ್ರೇಕ್ಷಣೀಯ ಸ್ಥಳ. ದೇಶವಿದೇಶಗಳಿಂದ ಸಾವಿರಾರು ಪ್ರವಾಸಿಗರು ಇಲ್ಲಿನ ಕೆತ್ತನೆಗಳಿಂದ ತುಂಬಿರುವ ಕಲ್ಲಿನ ಗುಹೆಗಳನ್ನು ನೋಡಲು ಬರುತ್ತಾರೆ. ಬದಾಮಿಯ ಕಲ್ಲಿನ ಗುಹೆಗಳು ಯುನೆಸ್ಕೋ ದ ವರ್ಲ್ಡ್ ಹೆರಿಟೇಜ್ ಸೈಟ್ ಪಟ್ಟಿಯಲ್ಲೂ ಸ್ಥಾನ ಗಿಟ್ಟಿಸಿದೆ.





ಹಲವಾರು ವೈಶಿಷ್ಠ್ಯಗಳಿಂದ ಕೂಡಿರುವ ಬದಾಮಿ ಇಲ್ಲಿರುವ ಪುಂಡು ಮಂಗಗಳಿಂದಲೂ (ಕು)ಖ್ಯಾತವಾಗಿದೆ. ಪ್ರವಾಸಿಗರು ಕೊಂಚ ಎಚ್ಚರ ತಪ್ಪಿದರೂ ನಿರ್ಭೀತ ಮಂಗಗಳು ಅವರ ಹ್ಯಾಂಡ್ ಬ್ಯಾಗ್, ನೀರಿನ ಬಾಟಲ್, ತಿಂಡಿ ತಿನಿಸುಗಳನ್ನು ಲಪಟಾಯಿಸಿಬಿಡುತ್ತವೆ.

ಬದಾಮಿಯ ಮಂಗಗಳ ಕಪಿಚೇಷ್ಟೆಯ ತುಣುಕುಗಳು ಇಲ್ಲಿವೆ...


ನೀರಿನ ಬಾಟಲ್ ಕಸಿದುಕೊಂಡು ಮುಚ್ಚಳ ತೆಗೆದು ನೀರು ಕುಡಿಯುತ್ತಿರುವ ಕಪಿರಾಯ


ಮಧ್ಯಾಹ್ನದ ಹೊತ್ತು, ಹಸಿವಾಗುತ್ತಿದೆ... ಚಾಕ್ಲೇಟೇ ಬೆಸ್ಟ್...!




ಗುಹೆಗಳ ಫೋಟೊ ತೆಗೆದಿದ್ದು ಸಾಕು.... ಒಸಿ ನಮ್ ಫ್ಯಾಮಿಲಿ ಫೊಟೋನೂ ತೆಗಿಯಪ್ಪಾ...




ಯೇನೋ ಸ್ಕೆಚ್ ಹಾಕ್ತವ್ನೆ... ...!

ನಿದ್ದೆ ಮಾಡ್ತಾ ಇದೀನಿ... ಸುಮ್ಕಿರ್ಲೆ ಯಪಾ... ಡಿಸ್ಟರ್ಬ್ ಮಾಡ್ಬೇಡ..!

ನಾವು ಕೆಳಗಿಳಿದು ಬರುತ್ತಿರುವಾಗ ಒಂದು ಮಂಗ ಯಾರದೋ ಚಪ್ಪಲಿ ಹಿಡಿದುಕೊಂಡು ಓಡುತ್ತಿತ್ತು, ಚಪ್ಪಲಿಯ ಒಡತಿ ಮಂಗನ ಹಿಂದೆ ಓಡುತ್ತಿರುವುದೂ ಕಂಡು ಬಂತು. ಮತ್ತಷ್ಟು ಮುಂದೆ ಬಂದಾಗ ಹೂತೋಟದ ನಡುವೆ ಯುವತಿಯೊಬ್ಬಳು ಏನನ್ನೋ ಹುಡುಕುತ್ತಿದ್ದಳು. ಸೂಕ್ಷ್ಮವಾಗಿ ಗಮನಿಸಿದಾಗ ಮೊಬೈಲ್ ನ ಬ್ಯಾಟರಿ, ನಂತರ ಮೊಬೈಲ್ ನ ಕವಚ ಹೀಗೆ ಚದುರಿಹೋಗಿದ್ದ ಮೊಬೈಲ್ ನ ಭಾಗಗಳನ್ನು ಒಟ್ಟುಹಾಕುತ್ತಿದ್ದಳು. ಯಾವುದೋ ಹೈಟೆಕ್ ಮಂಗ ಅವಳ ಹ್ಯಾಂಡ್ ಬ್ಯಾಗ್ ಎಗರಿಸಿ ಅದರೊಳಗಿದ್ದ ಮೊಬೈಲ್ ನ ಮೇಲೆ ತನ್ನ ಜಾಣ್ಮೆಯನ್ನು ಪ್ರಯೋಗಿಸಿ ಎಲ್ಲೆಂದರಲ್ಲಿ ಎಸೆದಿತ್ತು. ಬ್ಯಾಗ್ ಹೊತ್ತೊಯ್ದು ಗುಡ್ಡದ ಮೇಲೆ ಕುಳಿತುಕೊಂಡಿತ್ತು. ಹೀಗೆ ಮಂಗಗಳ ಕಪಿಚೇಷ್ಟೆ ವಿವರಿಸಿದಷ್ಟೂ ಇದೆ.

ನೀವು ಬದಾಮಿಯ ಕಡೆ ಹೊರಟಿದ್ದೀರಾ? ಮಂಗಗಳ ಬಗ್ಗೆ ಸ್ವಲ್ಪ ಜಾಗ್ರತೆಯಿಂದಿರಿ...

ಚಿತ್ರಗಳು: ನೆಂಪು ಗುರು
-o-