ಕ್ಯಾಮರಾ ಕಣ್ಣು: ಹೊಟ್ಟೆಪಾಡು...!

ರಸ್ತೆಬದಿಯಲ್ಲಿ ಊಟ ಮಾಡುತ್ತಿರುವ ಪುಟ್ಟ ಹುಡುಗಿ.

-o-

ಚಿತ್ರ: ಅರವಿಂದ

ಕ್ಯಾಮರಾ ಕಣ್ಣು: ಗಣಪತಿಗೆ ಬಿಸ್ಕೇಟ್ ಅಲಂಕಾರ?

ಬೆಂಗಳೂರಿನ ಮಾಲ್ ಒಂದಕ್ಕೆ ಚೌತಿಯ ಸಂದರ್ಭದಲ್ಲಿ ಹೊಕ್ಕಾಗ ಪ್ರವೇಶ ದ್ವಾರದಲ್ಲೇ ಸ್ಥಾಪಿಸಲ್ಪಟ್ಟಿದ್ದ ಶ್ರೀ ಗಣಪತಿಯ ವಿಗ್ರಹ ವಿಶಿಷ್ಟವಾಗಿತ್ತು. ಇಡೀ ವಿಗ್ರಹ ಪಾರ್ಲೆ ಕಂಪೆನಿಯ ಬಿಸ್ಕೇಟ್, ಕುಕ್ಕೀಸ್, ಚಾಕಲೇಟ್, ಪಾಪಿನ್ಸ್ ಗಳಿಂದ ಅಲಂಕೃತವಾಗಿತ್ತು.

ಸಾರ್ವಜನಿಕ ಗಣೇಶೋತ್ಸವವೊಂದರಲ್ಲಿ ಕಣ್ಮನ ಸೆಳೆಯುತ್ತಿದ್ದ ಶ್ರೀ ಗಣಪತಿಯ ವಿಗ್ರಹ...

- ನೆಂಪು ಗುರು

ಸಂಚಾರ: ಕಾಪು ಬೀಚ್, ದೀಪಸ್ತಂಭ

ಉಡುಪಿಯಿಂದ ಸುಮಾರು ೧೨ ಕಿ.ಮೀ., ಮಂಗಳೂರಿನಿಂದ ಸುಮಾರು ೪೫ ಕಿ.ಮೀ. ದೂರದಲ್ಲಿ, ರಾಷ್ಟ್ರೀಯ ಹೆದ್ದಾರಿಯ ಸನಿಹದಲ್ಲಿ ಇರುವ ಕಾಪು ಸುಂದರ ಸಮುದ್ರ ತೀರ, ದೀಪಸ್ತಂಭದಿಂದಾಗಿ ಪ್ರಸಿದ್ಧಿಯನ್ನು ಪಡೆದಿದೆ.

೧೯೦೧ರಲ್ಲಿ ನಿರ್ಮಿಸಲ್ಪಟ್ಟ ಸುಮಾರು ೨೭ ಮೀ ಎತ್ತರವಿರುವ ದೀಪಸ್ತಂಭ ಇಲ್ಲಿಯ ವಿಶೇಷ ಆಕರ್ಷಣೆ. ಸಮುದ್ರ ತೀರದಲ್ಲಿರುವ ಬಂಡೆಯೊಂದರ ಮೇಲೆ ನಿಂತಿರುವ ದೀಪಸ್ತಂಭದ ತುದಿಯಲ್ಲಿ ಬೃಹತ್ ದೀಪವೊಂದಿದೆ. ಸಾಗರದಲ್ಲಿ ೨೬ ಕಿ.ಮೀ ದೂರದ ವರೆಗೂ ಇದರ ಬೆಳಕು ಕಾಣುತ್ತದೆ. ಇದರಿಂದ ಹಡಗು, ಬೋಟ್ ಗಳಲ್ಲಿ ಸಂಚರಿಸುವ ನಾವಿಕರು ರಾತ್ರಿಯ ವೇಳೆಯಲ್ಲಿ ದಿಕ್ಕು ತಪ್ಪದೆ ಸುಗಮವಾಗಿ ತಮ್ಮ ಗಮ್ಯ ಸೇರಲು ನೆರವಾಗುತ್ತದೆ. ಹಲವು ವರ್ಷಗಳ ಹಿಂದೆ ಬೆಳಕಿಗಾಗಿ ಪೆಟ್ರೋಮ್ಯಾಕ್ಸ್ ಬಳಕೆಯಾಗುತ್ತಿತ್ತು, ಈಗ ವಿದ್ಯುತ್ ಚಾಲಿತ ಬೆಳಕಿನ ವ್ಯವಸ್ಥೆಯಿದೆ. ಕರೆಂಟ್ ಕೈಕೊಟ್ಟಾಗ ಜನರೇಟರ್ ವ್ಯವಸ್ಥೆಯೂ ಇದೆ. ಸಂಜೆ ೬ ರಿಂದ ಬೆಳಿಗ್ಗೆ ಬೆಳಕು ಹರಿಯುವವರೆಗೂ ಪ್ರಕಾಶಮಾನವಾದ ದೀಪ ಬೆಳಗುತ್ತಿರುತ್ತದೆ.

ಪ್ರವಾಸಿಗರು, ಸಾರ್ವಜನಿಕರು ದೀಪಸ್ತಂಭದ ಒಳಗಿರುವ ವಿಶಿಷ್ಟವಾದ, ಕಡಿದಾದ ಮೆಟ್ಟಿಲುಗಳನ್ನು ಬಳಸಿ ತುದಿ ತಲುಪಬಹುದು. ಮೇಲಿನಿಂದ ಕಾಣುವ ದೃಶ್ಯ ರಮಣೀಯ. ಮೈಲುಗಟ್ಟಲೆ ಚಾಚಿಕೊಂಡಿರುವ ಅರಬ್ಬೀ ಸಮುದ್ರ ಒಂದುಕಡೆ. ಎಕರೆಗಟ್ಟಲೆ ತೆಂಗಿನಮರಗಳ ಸಾಲು ಇನ್ನೊಂದು ಕಡೆ. ಮಧ್ಯೆ ಸುಂದರವಾದ ಬೀಚ್.

ಸಂಜೆಯ ಹೊತ್ತು ತಂಗಾಳಿಯೊಂದಿಗೆ ಸುಂದರ ಸೂರ್ಯಾಸ್ತ ವೀಕ್ಷಿಸಲು, ಆಗಸದಲ್ಲಿ ಕಾಣುವ ರಂಗಿನ ಚಿತ್ತಾರ ಸವಿಯಲು, ತೆರೆಗಳು ಬಂಡೆಗಪ್ಪಳಿಸಿ ಆಳೆತ್ತರಕ್ಕೆ ಚಿಮ್ಮುವ ದೃಶ್ಯ ನೋಡಲು ಹೇಳಿಮಾಡಿಸಿದ ಜಾಗ.

ಹಲವಾರು ಚಲನಚಿತ್ರಗಳ ಚಿತ್ರೀಕರಣವೂ ಇಲ್ಲಿ ನಡೆದಿದೆ. ಉಡುಪಿ, ಮಂಗಳೂರು ಸುತ್ತಮುತ್ತಲ ಪ್ರೇಕ್ಷಣೀಯ ಸ್ಥಳಗಳ ಪಟ್ಟಿಯಲ್ಲಿ ಕಾಪು ಸಮುದ್ರ ತೀರ, ದೀಪಸ್ತಂಭವೂ ಪ್ರಮುಖವಾದದ್ದು.

--o--

ನೆಂಪು ಗುರು

ನಮ್ಮೂರ ಮಳೆಗಾಲದ ಸೊಬಗು...

-o-

ನೆಂಪು ಗುರು

ಸಂಚಾರ: ಊಟಿ, ಕುನ್ನೂರು, ಮುದುಮಲೈ

ಇತ್ತೀಚೆಗೆ ಊಟಿ, ಮುದುಮಲೈ ಸುತ್ತಮುತ್ತ ಸಂಚಾರ ಹೋಗಿದ್ದಾಗ ಕ್ಯಾಮರಾ ಕಣ್ಣಿಗೆ ದಕ್ಕಿದ ದೃಶ್ಯವೈಭವ. ತುಂತುರು ಮಳೆ, ಮೋಡಗಳ ನಡುವೆ, ಹಚ್ಚ ಹಸಿರ ಪರಿಸರದಲ್ಲಿ ೨-೩ ದಿನ ಸುತ್ತಾಡಿ ಬಂದ ಅನುಭವ ಅವರ್ಣನೀಯ!

-o-

ನೆಂಪು ಗುರು